ព្រៃវែង៖ ផ្ទះពលរដ្ឋចំនួន ៣ខ្នង ដោយផ្ទះថ្ម១ និងផ្ទះឈើ២ ដែលសាងសង់ក្នុងជាប់មាត់ច្រាំង ដែលស្ថិតក្នុងភូមិជំនីក ឃុំកំពង់ពពិល ស្រុកពារាំង ខេត្តព្រៃវែង បានបាក់ស្រុតចូលក្នុងទន្លេខូចខាតទាំងស្រុង កាលពីរសៀលម៉ោង៣ ថ្ងៃទី០២ ខែមករា ឆ្នាំ២០២៣។
អធិការដ្ឋាននគរបាលស្រុកពារាំងបានបញ្ជាក់ថា ផ្ទះទាំង ៣ខ្នងដែលបាក់ស្រុតចូលក្នុងទន្លេនោះ ម្ចាស់ផ្ទះរើ និងបញ្ជូនទ្រព្យសម្បត្តិមិនទាន់ចេញពីផ្ទះដែលបាក់ស្រុតនោះឡើយ។ បើតាមអធិការដ្ឋាននគរបាលស្រុកពារាំង ក្នុងហេតុការណ៍បាក់ស្រុតផ្ទះនោះ ពុំបណ្តាលឱ្យមានមនុស្សរងរបួស ឬបាត់បង់ជីវិតឡើយ។
ក្រោយទទួលបានដំណឹងភ្លាម អភិបាលស្រុកពារាំង លោក ចេម ប្រា បានដឹកនាំកម្លាំងចុះទៅជួយជញ្ជូនសម្ភារដែលនៅសេសសល់ឡើងមកលើគោក៕
